Simba yawaweka sawa mashabiki kanda ya ziwa

Uongozi wa klabu ya Simba umewataka mashabiki wake wa kanda ya ziwa kuwa tayari kuipokea timu hiyo na kujitokeza kwa wingi katika michezo watakayocheza mwishoni mwa wiki

Alhamisi ya Septemba 26 Simba itakuwa Kagera kumenyana na Kagera Sugar kisha kuelekea mkoani Mara kuikabili Bishara United Septemba 29

Baada ya mapumziko ya siku moja, kikosi cha Simba leo kilirejea mazoezini uwanja wa Gymkhana kujiandaa na michezo hiyo

Safu ya ushambuliaji kwenye michezo hiyo inatarajiwa kuongozwa na Meddie Kagere, Miraji Athumani na Wilker Da Silva ambaye anasubiri kupata nafasi ya kuitumikia Simba kwa mara ya kwanza kwenye ligi