Wawa katika vita ya namba na Tairone

Beki Tairone Da Silva raia wa Brazil amecheza mechi mbili za Simba kwenye ligi akichukua nafasi ya mkongwe Paschal Wawa ambaye alikuwa majeruhi

Tairone alionyesha kiwango kizuri kwenye michezo hiyo hivyo kumuweka kwenye wakati mgumu Wawa ambaye atalazimika kupigania namba yake

Wawa hakuanza msimu vizuri akijikuta kwenye lawama akionekana kukosa kasi ya kupambana kama ilivyokuwa msimu uliopita

Kuhakikisha anarejesha makali yake, Wawa amekuwa akifanya mazoezi ya ziada kila baada ya mazoezi ya timu kumalizika

Mkongwe huyo raia wa Ivory Coast ameonekana kufanya mazoezi ya kukimbia wakati wenzake wanaporejea majumbani baada ya kumaliza mazoezi

Wawa amesema anaamini mazoezi hayo yatamuimarisha zaidi na kurejea kikosini akiwa imara