Mlinda lango namba moja wa Simba Aishi Manula amemtakia kila la kheri mkongwe Juma Kaseja katika mchezo wa kesho dhidi ya Sudan
Kaseja aliyerejeshwa timu ya Taifa na Kaimu Kocha Mkuu Etienne Ndayiragije, ameendelea kuaminiwa akidaka mechi zote za hivi karibuni
Kaseja aliitwa kuchukua nafasi ya Manula ambaye mwanzoni mwa msimu alikabiliwa na majeraha yaliyomuweka nje kwa wiki kadhaa
Katika kikosi cha Stars kitakakochoivaa Sudan, walinda lango wote wa Simba Manula na Beno Kakolanya hawakujumuishwa kwenye kikosi hicho
Uamuzi huo ulizua mjadala mkali miongoni mwa wadau wa soka nchini wengi wakiamini Manula alistahili kurejeshwa Stars hasa baada ya kuwa amepona majeraha
Wakati mjadala huo ukiendelea, Manula amesema Kaseja ni kipa mzoefu, anamuheshimu na kama Taifa wote tunapaswa kuwaunga mkono wachezaji wa Stars kwani wanawakilisha nchi
"Unapozungumzia timu ya taifa maana yake umegusa Watanzania wanaohitaji matokeo mazuri, nawaombea baraka kwa wote walioitwa Stars wakafanye kazi kubwa"
"Sina wasiwasi na Kaseja, ameaanza muda mrefu kudaka kabla yangu na mafanikio yake yameonekana namtakia baraka tele akafanye vizuri kwa niaba ya Watanzania, " amesema
Manula alisema kwa sasa akili yake imezama zaidi katika mchezo wa Ligi Kuu Tanzania Bara dhidi ya Kagera Sugar utakaopigwa Septemba 26, mwaka huu, kwenye Uwanja wa Kaitaba, mjini Bukoba.
Kipa huyo alisema anahitaji kufanya kazi ya ziada kuhakikisha anaisadia timu yake kufanya na vizuri na hatimaye kutetea taji lao.
Alisema watataendelea kupambana ili mwakani waweze kushiriki michuano ya kimataifa ya Ligi ya Mabingwa Afrika baada ya mwaka huu, kutolewa hatua ya awali na timu ya UD Songo
