Mlinda lango namba moja wa Simba Aishi Manula amesema wamedhamiria kuchukua ubingwa kwa msimu wa tatu mfululizo
Manula aliyerejea kikosi mwanzoni mwa msimu baada ya kupona majeraha, amesema anaamini wana kikosi imara kitakachoweza kutwaa ubingwa
Amesema kila mchezaji aliyesajiliwa na Simba, ana uwezo wa kupambana na kuisaidia timu kupata matokeo mazuri kwenye mechi zote za Ligi Kuu Tanzania Bara ambazo watacheza.
"Kiwango cha timu yetu hakikuwa duni, kwa namna mechi zetu mbili za mwanzo tulizocheza, tumecheza vizuri, nadhani tutaendelea kupambana katika mechi zote ili tutimize malengo yetu," alisema Manula.
Aliongeza kwamba wachezaji waliokuwa majeruhi wamerejea katika kikosi hicho, na wameendelea kuifanya timu hiyo kuonekana kuwa na mwanzo mzuri wa msimu.
Simba imeshinda mechi zake mbili za kwanza dhidi ya JKT Tanzania (3-1) na Mtibwa Sugar (2-1)
Inaendelea na maandalizi ya mchezo unaofuata dhidi ya Kagera Sugar ambao utapigwa Septemba 26 uwanja wa Kaitaba, mkoani Kagera
