Nahodha wa Simba John Bocco alianza mazoezi mepesi hivi karibuni akiwa mbioni kurejea kikosi baada ya kuwa nje kwa wiki tatu kutokana na majeraha ya goti aliyopata kwenye mchezo wa Ngao ya Jamii dhidi ya Azam Fc
Hata hivyo imebainika kuwa mshambuliaji huyo bado hajapona majeraha yake na atahitaji muda zaidi kuendelea kutibiwa
Kocha Mkuu wa Simba Patrick Aussems amesema Bocco anaweza kuwa nje kwa wiki nne zaidi
Wakati Simba ikijiandaa na mchezo dhidi ya kagera Sugar, safu yake ya ushambuliaji imeendelea kusumbuliwa na majeruhi
Mcongomani Deo Kanda anasumbuliwa na matatizo ya misuli wakati mshambuliaji kinara wa mabao Meddie Kagere alipata majeraha kwenye mchezo dhidi ya Mtibwa Sugar
Hata hivyo Wilker Da Silva amerejea kikosini baada ya kuwa nje kwa zaidi ya wiki tano
