Nahodha wa Simba John Bocco ameanza mazoezi mepesi baada ya kuwa nje kwa wiki tatu akisumbuliwa na majeraha ya goti
Bocco ataanza kuonekana dimbani siku sio nyingi
Mshambuliaji huyo wa zamani wa Azam Fc, amesema wamepania kutwaa taji la ligi kuu kwa msimu wa tatu mfululizo pamoja na kushinda mataji ya mashindano mengine watakayoshiriki
Amesema kutolewa kwao mapema kwenye michuano ya ligi ya mabingwa kumefanya waweke juu malengo yao ili kuwapa furaha mashabiki
"Kweli tulikuwa na hali ya huzuni kwa wachezaji hasa baada ya kuondolewa mapema jambo ambalo hatukuwa tumelitarajia kabisa," Bocco alinukuliwa na Championi
"Lakini kwa sasa tumepanga kuchukua mataji yote ili kupata nafasi ya kurejea tena kimataifa lakini pia kuwafurahisha mashabiki wetu baada ya kutokea kwa hali hiyo"
Simba imeshinda mechi mbili za kwanza ligi kuu na inaongoza ligi ikiwa na alama sita
