Kiungo fundi wa Simba Ibrahim Ajib amesema anaanza rasmi kazi kwa mabingwa hao wa Tanzania Bara baada ya kupona majeraha
Ajib alianza msimu kwa kusuasua akipata majeraha yaliyomuweka nje kwa wiki tatu akikosa mechi za ligi ya mabingwa dhidi ya UD Songo
Hata hivyo 'Mzee wa Makorokoro' amepona kabisa na mechi ya kwanza ya Simba ligi kuu dhidi ya JKT Tanzania alipewa dakika chache
Ajib aliyekuwa kinara wa kupika mabao akiwa na Yanga msimu uliopita, amesema kazi hiyo ataiendeleza Msimbazi
"Nilikuwa majeruhi lakini sasa nimepona, nashukuru naendelea kuimarika kadiri ninavyofanya mazoezi," amesema
"Wanasimba watulie, nimekuja kufanya kazi. Naamini mafanikio niliyopata msimu uliopita nitayaleta hapa.."
Hata hivyo Ajib anapaswa kujituma kwelikweli ili kupata nafasi kwenye kikosi cha kwanza cha Simba kwani ushindani wa namba ni mkali
Ajib anakabiliwa na upinzani kutoka kwa nyota kama Hassan Dilunga, Francis Kahata, Deo Kanda na Clatous Chama
