Baada ya kupata sare ya bao 1-1 dhidi ya Burundi jana, kikosi cha Stars kinarejea leo kujiwinda na mchezo wa marudiano ambao utapigwa uwanja wa Taifa Jumapili, Septemba 08
Stars inahitaji kushinda mchezo huo au matokeo ya suluhu ya bila kufungana pia yatatosha kuivusha hatua ya makundi
Kuelekea mchezo huo, Kamati ya uhamasishaji ambayo inaongozwa na msemaji wa Simba Haji Manara, watakuwa na Mkutano na Wanahabari kesho
Mkutano huo pia utahudhuriwa na Katibu Mkuu wa TFF Wilfred Kidao, wasanii na watu mbalimbali wenye ushawishi
Mkutano utafanyika Hoteli ya Sea Clif jijini Dar es salaam
Ajenda kuu ya Mkutano huo ni kuhakikisha mashabiki wanajitokeza kuujaza uwanja wa Taifa Septemba 08, na kuhakikisha Stars inapata matokeo ya kuipeleka hatua ya makundi kusaka tiketi ya michuano ya kombe la dunia
