Tairone amuweka Wawa kwenye wakati mgumu

Kiwango kilichoonyeshwa na beki Tairone Da Silva kwenye mchezo wa kwanza wa ligi kuu ya Vodacom dhidi ya JKT Tanzania, kimewaibua wadau wakitaka kocha Patrick Aussems amtumie nafasi ya Paschal Wawa

Tairone na kiraka Gerson Fraga walicheza vizuri kwenye mchezo huo ambao Simba ilishinda kwa mabao 3-1

Kwa siku za karibuni Wawa amekuwa akilaumiwa kwa kucheza chini ya kiwango, wengi wakiamini ni wakati sasa wa kocha Aussems kumuamini beki huyo mrefu kutoka Brazil

Tairone alikuwa bora kwenye mchezo dhidi ya JKT Tanzania, kama atapewa nafasi zaidi, atazoeana na wenzake kwa haraka

Kwa sasa Wawa ni majeruhi, lakini huenda akarejea kikosini baada ya wiki mbili za mapumziko kupisha michezo ya kalenda ya FIFA