JKT Tanzania vs Simba, hii sio ya kukosa kwa shabiki wa ukweli

Mabingwa watetezi ligi kuu ya Tanzania Bara (Vodacom), Simba leo wanashuka kwenye uwanja wa Uhuru kuanza kampeni ya kutetea ubingwa kwa msimu wa tatu mfululizo wakiwakabili maafande wa JKT Tanzania

Ni mchezo muhimu sana kwa Simba kupata ushindi ili kurejesha shamrashamra kwa mashabiki wake baada ya machungu ya kutolewa mapema michuano ya ligi ya mabingwa

Lakini pia ni wakati mahsusi kwa mashabiki kujitokeza kwa wingi uwanja wa Uhuru ili kuonyesha sapoti yao kwa wachezaji

Kocha Mkuu wa Simba Patrick Aussems amesema kikosi chake kiko kamili kwa mchezo huo

Amewataka mashabiki wajitokeze kwa wingi kuwaunga mkono