Winga wa Simba Miraji Athumani amewataka mashabiki wa timu hiyo kusahau matokeo ya mchezo wa ligi ya mabingwa na waiunge mkono timu yao ili iweze kufanya vizuri kwenye ligi na michuano ya kombe la FA
Miraji ndiye aliyesababisha mkwaju wa penati ulioisaidia Simba kusawazisha bao kwenye dakika ya 86 likiwekwa kambani na mkongwe Erasto Nyoni kwenye mchezo dhidi ya UD Songo
Amesema matokeo hayo yamewaumiza lakini ndio soka lilivyo, kuna wakati wa furaha na wakati wa huzuni
"Tuna kikosi imara, naamini tutarejea tukiwa na nguvu zaidi msimu ujao," amesema
"Kwa sasa tunaelekeza nguvu zetu kwenye ligi ili tujihakikishiea nafasi ya kushiriki michuano hiyo msimu ujao"
"Kama mchezaji siamini katika kuvunjwa moyo na matokeo badala yake yananifanya kujipange vyema ili kuja kufanya kitu kikubwa kwenye michuano ambayo ipo mbele yetu, tunaenda kuanza ligi kuu Bara sasa huko ndiko tutakakoenda kuonyesha tuna nini kwa msimu huu"
