Kocha Mkuu wa Simba Patrick Aussems amesema wamejiandaa kupata ushindi mchezo dhidi ya UD Songo, ukiwa ni mchezo wa ligi ya mabingwa barani Afrika ambao utapigwa keshokutwa Jumapili, August 25 2019 katika uwanja wa Taifa
Aidha Aussems amesema wanapocheza nyumbani, sapoti ya mashabiki imekuwa chachu kwa wao kufanya vizuri
Amesema wana wajibu wa kulinda rekodi waliyoweka msimu uliopita kwa kutopoteza mchezo uwanja wa Taifa
Lakini pia kuvuka hatua waliyofika msimu uliopita
"Utakuwa mchezo mgumu, hata hivyo malengo yetu ni kupata ushindi. Tumejiwekea malengo ya kuvuka hatua tuliyofikia msimu uliopita," amesema
"Mashabiki wetu waje kwa wingi uwanjani, washuhudie kile tunachoenda kufanya"
Msimu uliopita Simba iliondoshwa hatua ya robo fainali ikifungwa na TP Mazembe mabao 4-1
Ilishinda michezo mitano dhidi ya Mbabane Swallows, Nkana Fc, JS Soura, Al Ahly na AS Vita huku ikilazimishwa suluhu ya bila kufungana na TP Mazembe
