Wakati Simba ikiendelea na maandalizi ya mchezo wa ligi ya mabingwa dhidi ya UD Songo ambao utapigwa Jumapili ijayo, kocha Mkuu wa mabingwa hao wa Tanzania Bara Patrick Aussems amesema itakuwa changamoto kama timu yake itamkosa nahodha John Bocco ambaye aliumia kwenye mchezo dhidi ya Azam Fc juzi
Aussems amesema wingi wa majeruhi kwenye kikosi chake unaweza kuwasumbua kuelekea mchezo huo
Bocco ameungana na wajeruhi wengine Aishi Manula, Ibrahim Ajib na Wilker Da Silva
Hata hivyo Manula, Ajib na Da Silva tayari wameanza mazoezi mepesi lakini Aussems amesema wana nafasi ndogo ya kucheza Jumapili
"Kuongezeka kwa majeruhi kunanipa kazi nyingine, kwa sababu walikuwa watatu, Ajib (Ibrahim), Wilker Da Silva, Aishi Manula na sasa ameongezeka Bocco"
"Madaktari wanaiangalia hali yake, natumaini hatakuwa ameumia sana"
cutPamoja na Bocco kuumia, Simba ilionyesha kiwango cha juu kwenye mchezo dhidi ya Azam na kufanikiwa kushinda 4-2 na kutwaa Ngao ya Jamii kwa msimu wa tatu mfululizo
Aussems amesema amefurahi kutimiza lengo la kwanza msimu huu ambalo lilikuwa kutwaa Ngao ya Jamii
"Nimetimiza malengo yangu ya kuchukua Ngao ya Jamii mara ya pili, lakini mechi pia ilikuwa ni maandalizi ya mchezo wetu wa Ligi ya Mabingwa na UD Songo"
"Nimefurahishwa na kiwango cha wachezaji wangu japo kuna mapungufu nimeyaona, nitayafanyia kazi kwa siki hizi zilizobaki ili kukaa sawa kwa sababu mechi ijayo ni muhimu kushinda"
