Licha ya ushindi mnono wa mabao 4-2 dhidi ya Azam Fc jana, safu ya ulinzi ya Simba iliyokuwa ikiongozwa na wakongwe Paschal Wawa na Erasto Nyoni ilifanya makosa kadhaa ambayo yangeweza kuwagharimu mabingwa hao wa Tanzania
Mara kadhaa Azam Fc ilifanikiwa kupitisha mipira nyuma ya walinzi hao na kuwapa nafasi washambuliaji wa Azam kuonana ana kwa ana na mlinda lango Beno Kakolanya
Mara mbili mshambuliaji wa Azam Fc Shabani Iddi Chilunda alitumia udhaifu wa kutojipanga vyema wa walinzi hao kuwatoroka
Kocha Patrick Aussema aliiona changamoto hiyo na alimzuia kiungo Jonas Mkude kupanda sana ili kusaidia majukumu ya ulinzi
Makosa yale hayapaswi kufanywa kwenye michuano ya ligi ya mabingwa
Msimu huu Simba imefanyia sana kazi safu yake ya ulinzi ili kuhakikisha hairudii makosa ya kufungwa mabao mengi ugenini
Licha ya ujio wa walinzi wapya Wabrazil Tairone Da Silva, Gerson Fraga na Mtanzania Kennedy Wilson, bado wachezaji hao wameshindwa kumshawishi Aussems kuwatumia kwenye kikosi cha kwanza
Aussems ameendelea kuwategemea zaidi Wawa na Nyoni na mara chache akiwapa nafasi Fraga na Tairone
