Kocha Mkuu wa Simba Patrick Aussems amewapongeza wachezaji wake kwa kufanikiwa kutwaa Ngao ya Jamii baada ya ushindi wa mabao 4-2 dhidi ya Azam Fc
Hata hivyo amesema wangeweza kupata ushindi mnono zaidi kwenye mchezo huo kama washambuliaji wake wangekuwa makini
Akizungumza na waandishi wa habari baada ya mchezo jana, Aussems alisema ameridhishwa na kiwango kilichoonyeshwa na wachezaji wake hata hivyo watafanya maboresho zaidi kabla ya kuivaa UD Songo kwenye mchezo wa ligi ya mabingwa wiki ijayo
"Tulicheza vizuri, tulitengeneza nafasi nyingi, tungeweza kufunga mabao sita au saba kama washambuliaji wangu wangekuwa makini," amesema
"Hata hivyo bado tuna changamoto ya ulinzi wa mipira mirefu, tutaifanyia kazi kabla ya mchezo dhidi ya UD Songo"
Kuhusu majeraha ya nahodha John Bocco, Aussems amesema anasubiri ripoti wa daktari wa timu lakini litakuwa pigo kwa timu yake kuelekea mchezo wa ligi ya mabingwa
"Natumaini hakuumia sana, tayari tuna wachezaji watatu majeruhi itakuwa tatizo kwetu kama nae atakaa nje kwa muda mrefu"
Baada ya ushindi huo, Simba inaendelea na maandalizi kuelekea mchezo wa ligi ya mabingwa dhidi ya UD SOngo ambao utapigwa Jumapili iyao, August 25
