CEO anayetajwa Simba ana uzoefu wa soka la Afrika

Inaelezwa klabu ya Simba tayari imeshampata mrithi wa Mtendaji Mkuu wa klabu hiyo Crescentius Magori ambaye mkataba wake umemalizika

Ingawa bado uongozi wa Simba haujamtangaza rasmi, Senzo Mazingisa raia wa Afrika Kusini ndiye anayetajwa kuchukua nafasi yake

Jina la Mazingisa ni geni kwa hapa Tanzania lakini huko Afrika Kusini anafahamika sana

Amefanya kazi za uongozi katika vilabu kadhaa vinavyoshiriki ligi kuu ya Afrika Kusini

Miongoni mwa timu alizozitumikia ni pamoja na Platinum Stars na Orlando Pirates

uongozi wa Simba chini ya Mwenyekiti wa Bodi ya Wakurugenzi Mohammed Dewji 'Mo', umedhamiria kuisuka upya safu yake kwa kuweka watu wenye upeo mkubwa na kuiendesha timu hiyo kisasa