Msimu uliopita mshambuliaji kinara wa mabao kwenye kikosi cha Simba Meddie Kagere alifunga Azam Fc mabao mawili kwenye mchezo wa duru yakwanza wa ligi kuu ya Tanzania Bara
Katika mchezo huo nahodha John Bocco nae aliwafunga waaajiri wake wa zamani akiisaidia Simba kuibuka na ushindi wa mabao 3-1
Kesho washambuliaji hao watakiongoza kikosi cha Simba katika mchezo wa Ngao ya Jamii
Ni mchezo wa kuashiria ufunguzi wa msimu mpya wa ligi kuu ya Tanzania Bara
Mchezo huo hautarajiwi kuwa mwepesi kutokana na uimara wa vikosi vyote
Azam Fc inayoshiriki michuano ya kombe la Shirikisho Barani Afrika imefanya usajili mkubwa
Ni moja ya timu za kuangaliwa sana msimu huu
Hata hivyo Simba ndio baba wa soka la Tanzania kwa sasa, bado ina nafasi kubwa zaidi ya kushinda mchezo huo kutokana na ubora wa kikosi chake
Aussems amesema atautumia mchezo huo kuwa sehemu ya maandalizi ya mchezo wa marudiano ligi ya mabingwa dhidi ya UD Songo
Mshindi wa mchezo huo atajihakikishia kutwaa Ngao ya Jamii likiwa taji la kwanza msimu huu
