Mlinda lango namba moja wa Simba Aishi Manula amesema uzoefu waliopata msimu uliopita kwenye michuano ya ligi ya mabingwa, utawasaidia kufanya vizuri zaidi msimu huu
Manula aliyedaka mechi zote za Simba ligi ya mabingwa msimu uliopita, amesema wataendeleza pale walipoishia
Aidha mlinda lango huyo wa timu ya Taifa, amesema wanajivunia kuwa na mashabiki bora ambao wamekuwa wakiwahamasisha kufanya vizuri uwanja wa nyumbani
Amesema mchezo wa marudiano dhidi ya UD Songo, watafanya kile walichofanya kwenye michezo yote ya nyumbani msimu uliopita
"Naamini tutafanya vizuri tena msimu huu kutokana na uzoefu tulioupata katika mashindano haya msimu uliopita," amesema
"Nguvu ya mashabiki ni kubwa na hakika inatupa ari ya kushinda mchezo ujao dhidi ya UD Songo ambao utachezwa katika Uwanja wa taifa kwani naamini mashabiki watakuja kwa wingi kutuunga mkono"
Manula ameanza msimu vibaya baada ya kupata majeraha wakati akjiitumikia timu ya Taifa
Anatarajiwa kurejea kikosini hivi karibuni baada ya kuanza mazoezi mepesi
