Winga wa zamani wa Simba Shiza Kichuya inaelezwa kuwa bado yuko nchini akisubiri hatma yake ya kurejea nchini Misri
Kichuya aliyeuzwa na Simba Misri msimu uliopita akiingizia klabu hiyo zaidi ya Milioni 200, alirejea nchini baada ya mkataba wake wa miezi sita klabu ya ENPPI kumalizika
Kichuya alisajiliwa na Pharco Fc inayoshirki ligi daraja la kwanza huko Misri na kutolewa kwa mkopo ENPPI
Wakati ikielezwa mkataba wake ulikuwa na miaka miwili, mwenyewe amesema alisaini mkataba wa miezi sita
Tangu aliporejea kujiunga na timu ya Taifa kabla ya michuano ya Afcon na baadae kuenguliwa kwenye kikosi cha Stars, Kichuya hakurudi tena Misri
Kichuya amesema timu kadhaa zinamuwania nje ya nchi
Winga huyo mahiri yuko hatarini kukaa mpaka dirisha dogo bila timu baada ya dirisha la usajili hapa Tanania kufungwa huku akiwa bado hajapata timu huko nje
