Kocha Mkuu wa Simba Patrick Aussems amesema klabu hiyo imejiwekea malengo makubwa zaidi msimu huu kwenye michuano ya ligi ya mabingwa barani Afrika
Baada ya kutolewa hatua ya robo fainali mwaka jana, Aussems amesema mwaka huu wamejipanga kuchuana na vigogo wa Afrika kuwania ubingwa
"Msimu uliopita tulijiwekea malengo ya kufika hatua ya makundi, lakini tukafanikiwa kufika mpaka robo fainali," alisema Mbelgiji huyo aliyejipambanua kwa soka lake la kuvutia
"Msimu huu tunataka tufanye vizuri zaidi, ikiwezekana tutwae ubingwa"
Baada ya kupata suluhu kwenye mchezo wa kwanza wa ligi ya mabingwa msimu huu dhidi ya UD Songo, Aussems amesema wana matumaini makubwa watashinda mchezo wa Dar na kusonga mbele raundi ya kwanza
Kama Simba itatinga raundi ya kwanza, itakuwa imebakisha hatua moja tu kutinga hatua ya makundi
Kwenye raundi ya kwanza itacheza na mshindi wa mchezo kati ya Platinum Fc ya Zimbabwe dhidi ya Nyasa Bullet ya Malawi
