Baada ya mapumziko ya sikukuu, Simba yarejea mazoezini

Baada ya mapumziko ya sikukuu ya Eid, kikosi cha Simba leo kinarejea mazoezini kujiandaa na mchezo wa Ngao ya Jamii dhidi ya Azam Fc

Mchezo huo utapigwa Jumamosi August 17 kwenye uwanja wa Taifa

Simba, mabingwa wa Ngao hiyo kwa misimu miwili mfululizo, wanataka kuweka rekodi ya kutwaa mara ya tatu

Kocha Mkuu wa mabingwa hao wa nchi Patrick Aussems amesema mchezo dhidi ya Azam Fc ni muhimu kwa kikosi chake kwani ni sehemu ya maandalizi ya mchezo wao wa marudiano dhidi ya UD Songo

Simba itarudiana na UD Songo August 25 kwenye uwanja wa Taifa