Mchezo wa kwanza wa ligi ya mabingwa hatua ya awali kati ya UD Songo dhidi ya Simba, umemalizika kwa suluhu ya bila kufungana
Mchezo huo uliopigwa jiji la Beira, uliwashuhudia wekundu wa Msimbazi wakipata matokeo muhimu ambayo yanawaweka katika nafasi nzuri ya kusonga mbele
Simba inahitaji kushinda mchezo utakaopigwa jijini Dar es salaam wiki mbili zijazo
Wenyeji UD Songo walitengeneza nafasi nyingi lakini washambuliaji wao hawakuweza kuliona lango lililokuwa chini ya Beno Kakolanya
Simba nayo ilitengeneza nafasi kadhaa ambazo zilipotezwa kwenye kila kipindi na nahodha John Bocco na Shiboub ambaye mpira wake wa kichwa uliokolewa na mlinda lango wa Songo
Timu hizo zitakutana tena jijini Dar es salaam kati ya August 23-25 kwenye uwanja wa Taifa
ADVERTISE HERE
