Mabingwa wa soka Tanzania Bara Simba leo saa kumi jioni wanashuka dimbani nchini Msumbiji kuikabili UD Songo kwenye mchezo wa ligi ya mabingwa hatua ya awali
Kikosi cha Simba kilitua Msumbiji mapema jana kwa usafiri wa ndege ya kukodi na baadae jioni kikafanya mazoezi ya mwisho
Simba imekwenda Msumbiji ikiwa na kikosi cha wachezaji 19. Meneja wa timu hiyo Patrick Rweyemamu amesema wachezaji wote wako katika hali nzuri, hakuna majeruhi
Matokeo mazuri katika mchezo wa leo yataiweka Simba katika nafasi nzuri ya kusonga mbele raundi ya kwanza kwani mchezo wa marudiano utapigwa uwanja wa Taifa
Simba ina rekodi ya kipekee inapocheza uwanja wa Taifa
Kocha Patrick Aussems amesema lengo lao ni kuhakikisha wanavuka kwenda raundi ya kwanza
Kila la kheri mabingwa wa nchi..kila la kheri mnyama...!
