Baada ya kuonyesha kiwango kizuri kwenye mchezo dhidi ya Power Dynamo, beki wa kulia wa Simba Shomari Kapombe amewashukuru wote waliomtakia mema na hatimaye amerejea uwanjani
Mchezo wa juzi ulikuwa wa kwanza wa kimashindano kwa Kapombe ambaye amekuwa nje kwa zaidi ya miezi saba akisumbuliwa na majeraha
Kapombe amesema uvumilivu na imani kubwa aliyonayo imemuwezesha kurejea dimbani baada ya kukaa nje kwa muda mrefu
Lakini pia hakuacha kuwashukuru wote waliokuwa wakimtakia kheri ili aweze kurejea uwanjani
"Nachukuwa nafasi hii kushukuru kila aliyeshiriki kuniombe," amesema
"Namshukuru MUNGU kwa kila jaribu langu. Na hata pale nilipomkufuru na kulalamika kwa namna yoyote ile hakika ameendelea kuwa mbele yangu"
"Hakika maombi ya wengi husikilizwa haraka"
