Mshambuliaji hatari wa Simba Meddie Kagere jana aliukaribisha vyema msimu baada ya kufunga mabao matatu 'hat-trik' kwenye mchezo wa kuhitimisha SportPesa Simba Week
Mchezo huo uliopigwa mbele ya mashabiki karibu 60,000 wa Simba, ulimtambulisha Kagere yuleyule aliyekuwa bora msimu uliopita katika kuzifumania nyavu
Mabao hayo matatu aliyofunga jana, ni ishara nzuri kuwa mabingwa wa nchi, Simba wanauhakika wa kuendeleza ukali wao wa kutumbukiza mipira nyavuni licha ya kuondokewa na mmoja wa washambuliaji wake hatari Emmanuel Okwi
Msimu uliopita Kagere alifunga mabao 23 kwenye ligi, Bocco mabao 16 na Okwi mabao 14
Nafasi ya Okwi imechukuliwa na mshambuliaji aliyetoka TP Mazembe Deo Kanda ambaye naye alianza vyema
Kagere anatarajiwa kuiongoza safu ya ushambuliaji ya Simba kwenye mchezo wa kwanza wa ligi ya mabingwa dhidi ya UD Songo ambao utapigwa Jumamosi August 10 nchini Msumbiji
