Kocha Mkuu wa Simba Patrick Aussems amesema hana wasiwasi na wachezaji wapya waliosajiliwa Afrika kuwa watafanikiwa hapa Tanzania lakini ametaka Wabrazil wapewe muda
Akizungumza jana kabla ya mchezo wa kuhimisha Sportpesa Simba Week, Aussems alisema wachezaji hao watahitaji kujifunza mambo kadhaa kabla ya kuanza kuonyesha makali yao
"Utamaduni wa soka la Brazil na Afrika ni tofauti. Sina shaka na uwezo wao lakini kuna mambo kadhaa kama lugha na uelewa wa soka la Afrika ni vitu ambavo watahitaji kujifunza," alisema
"Sina wasiwasi na Kanda, Shiboub na Kahata wao watafanikiwa hapa Tanzania kwa kuwa wanaufahamu mpira wa Afrika"
Simba imesajili Wabrazi watatu Gerson Fraga, Wailker Da Silva na Tairon Santos
Kwenye mchezo wa jana dhidi ya Power Dynamo ambao Simba ilishinda mabao 3-1, beki Tairon alianza kwenye kikosi cha kwanza
