Kuelekea Tamasha la Simba Day, Kocha Mkuu wa Simba Patrick Aussems amesema anatarajia siku hiyo itakuwa nzuri na muhimu kwao kufanya vizuri
Aussems alisema siku hiyo ndiyo itakuwa ya mwisho ya kukipima kikosi chake kuelekea mchezo wa kwanza wa Ligi ya Mabingwa Afrika dhidi ya UD Songo ya Msumbiji, ambao utachezwa ugenini August 10
Mbelgiji huyo alisema anatarajia kuona idadi kubwa ya mashabiki wanajitokeza uwanjani ili kushuhudia wachezaji wao wapya huku pia nyota wake waliokuwa kwenye kikosi cha Timu ya Taifa (Taifa Stars) wakiungana na wenzao mapema Jumatatu.
"Sasa hivi tunaelekeza nguvu zetu kwa ajili ya Simba Day, itakuwa ni siku ya kufurahia, ni mechi ambayo itakuwa ni ya mwisho kabla ya kucheza mchezo wa Ligi ya Mabingwa Afrika," amesema
"Ni mechi muhimu kwetu, na ni mechi muhimu kwa timu, natarajia kuona idadi kubwa ya mashabiki kuja kuwaona wachezaji wao wapya"
