Klabu ya UD do Songo ya Msumbiji imepanga mchezo wa kwanza wa ligi ya mabingwa hatua ya awali dhidi ya Simba, utapigwa August 10 saa kumi kamili jioni kwa saa za Afrika Mashariki
Mtendaji Mkuu wa Simba Crescentius Magori amethiitisha kupokea barua kutoka CAF inayothibitisha tarehe na muda wa mchezo
Simba kwenda Msumbiji kwa ndege binafsi
Katika hatua nyingine, uongozi wa Simba uko kwenye mchakato wa kukodi ndege binafsi kwa ajili ya safari ya Msumbiji
Simba imelazimika kuchukua hatua hiyo ili kuwapunguzia wachezaji uchovu wa safari
Mchezo huo utapigwa siku nne baada ya Tamasha la Simba Day litakalofanyika August 06 kwenye uwanja wa Taifa
Mabingwa hao wa nchi watakuwa na siku mbili za maandalizi baada ya Simba Day kabla ya kuikabili UD do Songo ugenini
"Tayari nimepata barua pepe kutoka Caf na TFF kuwa De Songo wamechagua mechi kufanyika Agosti 10 na itakuwa saa 10:00 kwa saa za Afrika Mashariki," Magori aliwaambia waandishi wa habari jana
"Tunajua muda hautoshi kwani wiki nzima tutakuwa katika harakati za Simba Day"
"Utaratibu unafanywa na kama Mungu akipenda tunaweza kupata ndege binafsi ili timu iende ndege hiyo moja kwa moja icheze mechi Msumbiji kisha igeuze kurudi Dar es Salaam"
"Tunafanya yote hayo ili kupunguza uchovu wa wachezajii kutokana na mizunguko mirefu kwa ndege za kawaida"
