Mlinda lango Beno Kakolanya ameendelea kufanya vitu adimu Afrika Kusini na kumpa mtihani mkufunzi wa Simba Patrick Aussems kuamua nani atakuwa chaguo la kwanza kati yake na Aishi Manula
Mpaka sasa kakolanya ameonyesha kiwango cha hali ya juu kwenye mazoezi
Juzi kwenye mchezo wa kirafiki dhidi ya Township Rollers alionyesha makali yake kwa kudaka mkwaju penati huku akiokoa mashambulizi kadhaa
Hata hivyo hatakuwa na kazi rahisi kupata nafasi mbele ya Aishi Manula ambaye kwa miaka miwili sasa amejipambanua kuwa kipa namba moja wa Simba na timu ya Taifa
Manula amelinda ubora wake kwa muda wote huo
Kakolanya amesema yeye atatimiza wajibu wake akipewa nafasi, jukumu la kuamua nani acheze litabaki kwa kocha mwenyewe
cut"Suala la namba kwa sasa sio kipaumbele changu kwa kuwa mimi sipangi kikosi hilo lipo mikononi mwa mwalimu cha msingi ni mashabiki kuzidi kutuombea," amesema
Ushindani baina ya makipa hao utainufaisha zaidi Simba kwani ni dhahiri utaboresha viwango vyao
Lakini ushindani wa namba hautakuwa kwa magolikipa tu, usajili uliofanywa na Simba uliangalia zaidi kuwa na kikosi kipana ambacho kitakuwa na wachezaji wote wenye uwezo
Karibu kila nafasi Simba ina wachezaji wawili ambao wanaweza kuanza kikosi cha kwanza
