Kutokana na mabadiliko ya ratiba ya michuano ya ligi ya mabingwa barani Afrika hatua ya awali, Tamasha la Simba Day ambalo hufanyika August 08 kila mwaka, limerudishwa nyuma ambapo sasa litafanyika August 06 2019
Kwa kawaida wiki moja kabla ya Tamasha hilo, Wana Msimbazi hujitolea kwa kufanya shughuli mbalimbali za kijamii
Kuanzia Julai 31 wiki ya Simba inatarajiwa kuanza na itahitimishwa siku ya kilele, August 06 kwa mchezo wa kirafiki kupigwa kati ya Simba dhidi ya Power Dynamos ya Zambia
Siku hiyo itatumika kutambulisha kikosi cha mabingwa hao wa nchi pamoja na jezi rasmi zitakazotumika msimu ujao
Msimu ujao Simba itatumia jezi za aina tatu tofauti, nyekundu, nyeupe na kijivu
Mtendaji Mkuu wa Simba Crescentius Magori leo anatarajiwa kuzungumza na waandishi wa habari
Simba Day itakuwa moja ya ajenda kwenye Mkutano huo
