Mwekezaji wa klabu ya Simba Bilionea Mohammed Dewji 'Mo' amesema sheria ya kutaka wawekezaji watatu na kuendelea kumilikishwa hisa asilimia 49 ilikuwepo tangu mwaka 2017 wakati anaingia
Hata hivyo, Mo amesema Waziri mwenye dhamana ya Michezo Dk Harisson Mwakyembe aliiruhusu Simba kuanza na muwekezaji mmoja
Kupitia ukurasa wake wa mtandao wa Instagram Mo ameandika;
"Nimesikitishwa na mijadala mitandaoni ya kumshutumu Waziri Mwakyembe kwamba ameanzisha utaratibu mpya wa mwekezaji kuwa na 49% na wanachama 51% ya hisa.
"Ndugu zangu, si kweli, utaratibu huu upo tangu 2017 kisheria na sisi Simba tulikubali"
"Waziri Mwakyembe alituruhusu SIMBA tuendelee na Mwekezaji mmoja"
"Ndugu WanaSimba Mimi nipo na niko na nyinyi, siendi popote"
"Na sasa tumeishazungumza na Serikali na mazungumzo ni mazuri"
"Nawasihi WanaSimba wote twendeni tukaishangilie Timu ya Taifa na tukutane Simba Day tarehe 6"
"Tulianza vizuri na Serikali na tutamaliza vizuri na Serikali"
