Beki tegemeo katika safu ya ulinzi ya Simba upande wa kulia Shomari Kapombe, amerejea kikosini baada ya kuwa nje ya dimba kwa zaidi ya miezi saba akisumbuliwa na majeraha ya goti
Kapombe yuko kambini Afrika Kusini na wachezaji wenzake akiendelea na maandalizi ya msimu mpya
Hata hivyo Mtaalam mpya wa viungo wa Simba Mjerumani Paul Gomez amebaini tatizo linalomsumbua Kapombe mara kwa mara hivyo kumpa program maalum ya mazoezi
"Niligundua tatizo moja kwa Kapombe eneo la kifundo cha mguu katika viungo. Tunaendelea na matibabu apone," Gomez amenukuliwa na Mwanaspoti
Mtaalamu huyo alisema amempa masharti Kapombe namna bora ya kucheza uwanjani ili kuepuka majeraha ya mara kwa mara
Msimu huu Kapombe anatarajiwa kurejea katika majukumu yake kikamilifu hata hivyo huenda akashirikiana na kiraka Erasto Nyoni upande wa kulia wakati ambao atakuwa akirejesha makali yake
