Nyota walioitwa Stars waondoka Afrika Kusini

Simba inaendelea na maandalizi ya msimu mpya huko Afrika Kusini ambapo leo itashuka tena dimbani kuumana na Platinum Stars

Hata hivyo kwenye mchezo wa leo Simba itawakosa nyota wake saba ambao wameondoka Afrika Kusini kurejea nchini kuungana na kambi ya timu ya Taifa

Wachezaji hao awali ilitaarifiwa kuwa wangeondoka jana, lakini kocha Patrick Aussems aliomba awatumie kwenye mchezo wa jana dhidi ya Orbit Tvet ambapo wote walipata nafasi kwenye kikosi cha kwanza na kuisaidia Simba kuibuka na ushindi wa mabao 4-0

Wachezaji walioondoka leo kurejea nchini ni nahodha John Bocco, Aishi Manula, Gadiel Michael, Erasto Nyoni, Jonas Mkude, Hassan Dilunga na Ibrahim Ajib