Walter Bwalya Mshambuliaji wa Nkana Fc aliyekuwa akiwaniwa na Simba, mabingwa wa soka Tanzania Bara, amejiunga na timu ya Gouna Fc inayoshiriki ligi kuu ya Misri
Kulingana na taarifa iliyoripotiwa na vyombo vya habari nchini Zambia leo, El Gouna imelipa kitita cha Dola 650,000 ambazo ni zaidi ya Bilioni 1.5 kuinasa sahihi ya mshambuliaji huyo aliyeibuka mfungaji bora wa ligi kuu ya Zambia mwaka 2016
Wakala wa mchezaji huyo Patrick Chikoye amethibitisha kuwa mteja wake alikuwa na ofa kadhaa lakini wameafikiana na El Gouna inayomilikiwa na familia ya Sawiris ambao ni matajiri wa kutupwa
Familia hiyo inamiliki timu ya ligi daraja la kwanza huko Uswisi (Fc Luzern) pia hivi karibuni wameinunua klabu ya Aston Villa iliyopanda ligi kuu ya Uingereza msimu uliopita
Walter yuko nchini Misri kwa zaidi ya wiki moja ambapo inaelezwa alianza kujifua na timu hiyo jana
Baada ya kumpoteza Bwalya, matumaini ya kumsajili Justine Shonga wa Orlando Pirates nayo yamekuwa madogo Simba ikihitaji kutoa dau kubwa zaidi ya Zamalek inayodaiwa kuweka mezani dau la dola milioni moja (Zaidi ya Bilioni 2 za Kitanzania) ili kumsajili mshambuliaji huyo
Hata hivyo inaelezwa Shonga hajaridhia kujiunga na mafarao hao lakini kikwazo kinabaki kwenye mkataba wake na Orlando Pirates
Pirates wameonyesha wako tayari kumuuza kwa timu itakayofika dau
