Simba leo imecheza mchezo wake wa kwanza Afrika Kusini na kufanikiwa kuibuka na ushindi wa mabao 4-0 dhidi ya Obret Tvet
Mchezo huo uliopigwa uwanja wa hoteli ya The Rayol Marang, nahodha John Bocco alipachika mabao mawili huku Hassan Dilunga na mshambuliaji raia wa Brazil Wilker Da Silva wakifunga mengine mawili
Kocha Mkuu wa Simba Patrick Aussems alitumia mchezo huo kusaka wachezaji wa kuingia kwenye kikosi chake cha kwanza
Simba itacheza michezo mingine mitatu ambayo bila shaka itamsaidia Aussems kupata kikosi cha kwanza
Kesho Simba itashuka tena dimbani kupambana na Platinum Stars inayoshiriki ligi daraja la kwanza hukohuko Afrika Kusini
Katika mchezo wa leo Aussems alitumia vikosi viwili tofauti
Kikosi kilichoanza kilicheza kwa dakika 60 na kiliwajumuisha Aishi Manula, Shomari Kapombe, Gadiel Michael, Fraga, Nyoni, Mzamiru, Mkude, Miraji, Dilunga, Bocco na Ajib
Kipimo kikubwa cha kwanza kwa Simba ni mchezo wa Jumamosi Julai 27 dhidi ya mabingwa wa Botswana, Township Rollers na kisha kumaliza na Orlando Pirates Julai 30
Simba inatarajiwa kurejea jijini Dar es salaam mwanzoni mwa mwezi wa nane tayari kwa Tamasha la SIMBA DAY ambalo limepangwa kufanyika August 06
