Beki wa kulia wa Simba Shomari Kapombe amerejea kikosini baada ya kuanza mazoezi na wachezaji wengine huko Afrika Kusini
Kapombe amekuwa nje kwa zaidi ya miezi saba akisumbuliwa na majeraha ya goti
Baada ya kumaliza program binafsi ya mazoezi, Kapombe ameanza kujumuika na wachezaji wengine
Akizungumzia kambi ya Simba Afrika Kusini, Kapombe amesema wamefarijika na wanaushukuru uongozi wa timu hiyo kuwapeleka nchini humo kwenye kambi ambayo wanapata kila kitu
Amesema watakaporejea nchini watakuwa bora na amewaambia mashabiki wa Simba wasiwe na wasiwasi kwani mambo mazuri yanakuja
Kurejea kwa Kapombe kikosini ni habari njema kwa mabingwa hao wa Tanzania Bara kwani wana uhakika huduma yake itarejea kama kawaida kwenye safu ya ulinzi upande wa kulia ambayo imekuwa na matatizo tangu alipoumia
