Mtendaji mkuu wa Simba Crescentius Magori amesema kuna wachezaji ambao bado wanamikataba na Simba lakini hawana nafasi ya kucheza kwa hiyo watatolewa kwa mkopo ili wakapate nafasi ya kucheza na kuimarisha viwango vyao.
Aidha, wapo pia ambao wameachwa baada ya kufikia makubaliano ya pande zote mbili.
Huu hapa mchanganuo wa wachezaji hao kama ulivyotolewa na CEO Magori;
"Marcel Kaheza alirudi tumemruhusu kwenda kwa mkopo kuna klabu ilimuhitaji"
"Mohamed Ibrahim tupo kwenye mazungumzo na Namungo FC anaweza kwenda huko kwa mkopo"
"Adam Salamba kuna timu ya South Africa imemuomba tumeshamruhusu"
"Paul Bukaba kuna timu mbalimbali zimemuomba moja wapo ipo South Africa, nyingine zaidi ya tatu zipo Tanzania yeye pia tutamruhusu wakati wowote"
"Mohamed Rashid alikuwa kwa mkopo KMC FC, tulikuwa kwenye mazungumzo na JKT Tanzania wapo tayari kumchukua kwa mkopo"
"Abdul Suleiman (alikuwa U20) kuna mazungumzo yanafanyika na timu mbalimbali kwa ajili ya kumchukua kwa mkopo lakini kunauwezekano pia akaenda Ulaya"
"Nicholas Gyan mkataba wake ulikuwa unamalizika mwezi August lakini tumekubaliana nae tumemuacha tumeshampa release letter"
"Zana Koulibaly pia tumekubaliana kuachana nae tayari tumempa release letter"
"Salim Mbonde mkataba wake umeisha, kwa sababu amekaa muda mrefu bila kucheza tumemshauri atafute timu nyingine ambayo haina presha kubwa kama Simba"
