Wakati mazoezi ya Simba 'yakinoga' huko Afrika Kusini, wachezaji saba wa timu hiyo wanatarajiwa kurejea jijini Dar es salaam kwa ajili ya majukumu ya timu ya Taifa
Kikosi cha timu ya Taifa ya Tanzania 'Taifa Stars' kinatarajiwa kuingia kambini keshokutwa Jumapili, Julai 21 kuanza maandalizi ya mchezo wa kwanza wa kusaka tiketi ya michuano ya CHAN dhidi ya Harambee Stars utakaopigwa Julai 28 kwenye uwanja wa Taifa
Meneja wa Simba Patrick Rweyemamu amesema benchi la ufundi liliandaa program maalum ambayo itawasaidia wachezaji hao kabla ya kurejea nchini
Wachezaji wanaotarajiwa kurudi Dar kuungana na kambi ya timu ya Taifa ni nahodha John Bocco, Aishi Manula, Gadiel Michael, Erasto Nyoni, Jonas Mkude, Hassani Dilunga na Ibrahim Ajib
Wachezaji hao wataungana na kikosi cha Simba baada mchezo wa marudiano utakaopigwa August 04 nchini Kenya
