Walinda lango wa Simba Aishi Manula na Beno Kakolanya wameendelea kujifua nchini Afrika Kusini katika maandalizi ya msimu mpya
Moja ya maeneo ambayo Simba haitakuwa na wasiwasi kabisa msimu ujao ni eneo la ulinzi wa lango
Misimu miwili iliyopita Simba ilimtegemea zaidi Manula ambaye alilazimika kucheza mechi nyingi bila ya kupumzishwa
Hata hivyo msimu ujao benchi la ufundi litakuwa na kazi ya kuamua nani akae langoni kutokana na ubora wa walinda lango hao
Beno aliyetua Simba akitokea klabu ya Yanga, alikuwa kipa namba moja wa timu hiyo kabla ya kufanya mgomo kushinikiza alipwe stahili zake
Beno aliibeba Yanga kwenye michezo mingi ukiwemo mchezo wa kwanza wa ligi dhidi ya Simba ambao ulimalizika kwa suluhu ya bila kufungana yeye akiibuka shujaa wa mchezo
Aidha kutokana na ushiriki wa Simba kwenye michuano mingi, msimu ujao huenda walinda lango hao wakapewa majukumu kufuatana na mashindano yaliyopo
Simba itashiriki Ligi Kuu, Ligi ya Mabingwa, Kombe la FA, kombe la Mapinduzi bila ya kusahau michuano ya Sportpesa Cup
