Kikosi cha Simba leo kimeingia siku ya tatu Afrika Kusini kikijifua kujiandaa na msimu mpya wa ligi kuu ya Tanzania Bara, ligi ya mabingwa na michuano mingine
Kocha Mkuu wa mabingwa hao wa Tanzania Bara Patrick Aussems ameeleza kufurahishwa na muitikio wa wachezaji wake katika mazoezi anayoendelea kuwapatia
Aidha amesema amefurahishwa zaidi na wachezaji wake wapya ambao wameonekana kuufahamu kwa haraka mfumo wa uchezaji unoutumiwa na Simba
"Bado tuna siku chache huku tangu timu imefika hapa, lakini naona juhudi za wachezaji wangu kwenye mazoezi ninayotoa, hii ni dalili nzuri kwetu," amesema Aussems.
Mbelgiji huyo amesema ataandaa programu maalumu kwa ajili ya kuhakikisha wachezaji wake wote wanafahamu vitu vya msingi, kabla ya baadhi ya nyota wake kurejea nchini
cutBaadhi ya wachezaji wanapaswa kujiunga na kambi ya Timu ya Taifa kwa ajili ya maandalizi ya kuwavaa Kenya katika mchezo wa kusaka tiketi ya kufuzu kucheza fainali za Kombe la Mataifa ya Afrika kwa wachezaji wanaocheza ligi za ndani (CHAN).
Kambi ya timu ya Taifa itaanza Julai 21 ambapo nyota saba wa Simba watalazimika kurejea nchini kwa ajili ya maandalizi ya michezo miwili dhidi ya Kenya ambayo itapigwa JUlai 28 na August 04
Wachezaji wa Simba walioitwa timu ya Taifa ni Aishi Manula, Gadiel Michael, Erasto Nyoni, Jonas Mkude, Hassani Dilunga, Ibrahim Ajib na John Bocco
Wachezaji hao wote walisafiri na timu Afrika Kusini
