Kile kiburi cha Mzee Hamisi Kilomoni kwa klabu ya Simba ni kama kimefikia tamati baada ya uongozi wa klabu hiyo kuonyesha uthibitisho kuwa mkataba wake ulikoma mwaka 2017 na sasa yeye sio mdhamini wa Simba
Juzi wakati akiongea na waandishi wa habari, Mtendaji wa Simba Crescentius Magori alionyesha nyaraka zilizotoka kwa kabidhi Wasii Mkuu wa Serikali kwenda kwa wakili wa Mzee Kilomoni pamoja na barua ya Mahakama kwenda kwa wakili huyo zinazothibitisha kuwa Mzee Kilomoni siyo mdhamini tena wa Simba
Aidha Simba iko mbioni kupatiwa hati nyingine na Serikali ambapo mchakato huo ukikamilika hati alizonazo Mzee Kilomoni zitabaki kama kumbukumbu tu kwani hazitakuwa na maana yoyote
Hapo ndipo Simba itaweza kukamilisha mchakato wake wa mabadiliko kwa kukidhi matakwa ya Mwekezaji Mohammed Dewji 'Mo' ambaye anasubiri kupatiwa nyaraka hizo ili atoe fedha Bilioni 20 za uwekezaji
Kwa sasa Mzee Kilomoni anatapatapa tu. Jumatano ijayo ameitwa kuhudhuria kikao cha Kamati ya Maadili ya TFF baada ya uongozi wa Simba kumshitaki kwa kuivuruga klabu hiyo
Huko anaweza kukumbana na kifungo cha kutojihusisha na masuala ya mpira wa miguu maisha yake yote!
