Beki Zana Coulibaly ameachwa kwenye kikosi cha Simba baada ya kuitumikia timu hiyo kwa miezi sita tu
Beki huyo aliyetua Simba wakati wa usajili wa dirisha dogo alikuja nchini kwa lengo la kuanza maandalizi ya msimu mpya hata hivyo akakutana na barua ya kutupiwa virago
Licha ya usajili wake kupambwa na mbwembwe nyingi, Zana alishindwa kufikia matarajio ya wengi
Kama sio kutetewa na kocha Patrick Aussems, pengine mchezaji huyo angeondolewa mapema zaidi kwenye kikosi cha Simba
Kuachwa kwake kunamaanisha kuwa Simba inahitaji kusajili beki mwingine wa kulia ambaye atasaidiana na Shomari Kapombe aliyerejea kikosini baada ya kupona majeraha
Mtendaji Mkuu wa Simba Crescentius Magori amesema watasajili mchezaji mmoja ambaye itakuwa sapraizi kwa mashabiki wa Simba
Je mchezaji huyo atakuwa mbadala wa Zana au Walter Bwalya anayetajwa kuja kuchukua nafasi ya Emmanuel Okwi? Tusubiri
