Kikosi cha Simba kinaendelea na mazoezi huko Afrika Kusini kujiandaa na msimu mpya wa ligi kuu ya Tanzania Bara, ligi ya mabingwa pamoja na michuano mbalimbali
Mtendaji Mkuu wa Simba Crescentius Magori amesema mabingwa hao wa Tanzania Bara watakuwa Afrika Kusini kwa siku 17
Akizungumza na waandishi wa habari jana, Magori alisema Simba imejichimbia jiji la Rustenburg katika moja ya hotel maarufu ambayo iliwahi kutumiwa na timu ya Taifa ya Uingereza mwaka 2010 kwenye michuano ya kombe la dunia
Awali Simba ilikuwa na mpango wa kwenda kuweka kambi Ureno au Marekani, hata hivyo Magori amesema walisitisha mpango huo kutokana na sababu mbalimbali ikiwemo suala la hali ya hewa na muda mfupi uliobaki kuelekea msimu mpya
Simba inatarajiwa kurejea nchini kati ya August 04-05 tayari kwa Tamasha kubwa la kila mwaka, Simba Day ambalo litafanyika uwanja wa Taifa August 08
