Visa zawakwamisha nyota Simba

Kikosi cha mabingwa wa soka Tanzania Bara Simba kiliwasili salama Afrika Kusini jana na kuanza mazoezi ya maandalizi ya msimu mpya

Hata hivyo baadhi ya nyota walishindwa kusafiri jana kutokana na hati zao za kusafiria kutokamilika

Mfungaji bora wa ligi kuu ya Tanzania Bara msimu uliopita, Meddie Kagere ni miongoni mwa wachezaji ambao wamebaki jijini Dar es salaam

Wengine ni nyota wapya kiungo Francis Kahata na mshambuliaji Deo Kanda

Uongozi wa Simba umesema wachezaji hao wataungana na wenzao siku chache zijazo kwani wako katika hatua za mwisho kukamilisha Visa zao