Kiungo fundi wa mpira Ibrahim Ajib amesema amerejea Simba kufanya kazi ambapo amewaahidi mashabiki wa timu hiyo wakae mkao wa kula
Ajib alikuwa akihusishwa kutimkia TP Mazembe kabla taarifa za usajili wake kutua Simba kuvuja
Akizungumza jana kwenye Semina kwa wachezaji wa klabu ya Simba, Ajib alisema hakujiunga na TP Mazembe kwa kuwa Simba ilimpatia ofa nono zaidi
"Nawaahidi mashabiki wa Simba nitawapa furaha. Kuhusu TP Mazembe kule sikwenda kwa kuwa ofa yao ilikuwa ndogo kuliko ya Simba," alisema Ajib
"Niliondoka Simba kwa amani bila ya kugombana na mtu na ndio maana nimerejea nikiwa na furaha"
"Nitashirikiana na wachezaji wenzangu ili kuhakikisha tunatimiza malengo ya klabu yetu msimu huu"
Ajib ni miongoni mwa wachezaji wa Simba ambao leo wanakwea 'pipa' kwenda kambini Afrika Kusini
