Simba Queens yaenda Ujerumani

Msafara wa wachezaji wa timu ya Wanawake Simba Queens umeondoka leo kuelekea Ujerumani kwa ziara ya wiki mbili

Msafara wa timu hiyo umeondoka na watu 16, wachezaji wakiwa 13 na viongozi watatu, ambapo mkuu wa msafara ni mjumbe wa Bodi ya Wakurugenzi, Asha Baraka.

Wakiwa Ujerumani, wachezaji wa Simba Queens watapata nafasi ya kushiriki semina mbalimbali za kijamii ambazo zinalengo la kuwapa mbinu mbadala za kazi ambazo wanaweza kufanya nje ya maisha ya soka.

Pamoja na hilo pia watacheza michezo minne ya kirafiki ambapo michezo mitatu itachezwa mjini Hamburg na mwingine mmoja kwenye mji mkuu wa nchi hiyo, Berlin.