Uongozi wa Simba umesema beki wake wa Kimataifa ya Uganda Juuko Murshid bado ana mkataba wa mwaka mmoja na mabingwa hao wa Tanzania Bara na wamemtaka arejee kambini tayari kwa maandalizi ya msimu mpya
Hivi karibuni Juuko alinukuliwa na chombo kimoja cha habari nchini Uganda akisema kuwa hana mpango wa kurejea Simba huku akidai kuwa hajalipwa mishahara ya miezi mitatu hivyo kuutaka uongozi wa Simba umuache
Hata hivyo Magori amesema Juuko alitoroka kambini na kurejea kwao Uganda wakati timu ikiwa na makujukumu ya kutetea ubingwa msimu uliopita
Magori amekiri kuwa ni kweli Juuko anadai mishahara ya miezi miwili lakini hawakumlipa si kwa kuwa hawana fedha, bali wamefanya hivyo wakimtaka arejee kambini kwanza
Aidha uongozi wa Simba ulimwandikia barua Juuko wakimtaka ajieleze kwa nini alitoroka kambini
Hata hivyo mchezaji huyo hakujibu
