Tunataka ubingwa wa Afrika - Hanspoppe

Mjumbe wa Bodi ya Wakurugenzi ya Simba Zacharia Hanspoppe amesema malengo Makuu ya klabu ya Simba msimu ujao ni kushinda taji la ligi ya mabingwa barani Afrika pamoja na kutetea ubingwa wa ligi kuu

Poppe alikuwa mmoja wa watoa Semina kwa wachezaji na benchi la ufundi kwenye tukio lililofanyika Sea Scape Hotel mapema leo

Hanspoppe amesema Simba imefanya usajili makini ili kuhakikisha wanatimiza malengo waliyojiwekea

"Malengo yetu ya msimu ujao ni kutetea ubingwa wa Ligi Kuu na kushinda ubingwa wa Afrika ndio maana tumesajili wachezaji wenye viwango vikubwa, mjitume ili tufikie malengo," amesema

Simba inatarajiwa kuondoka kesho Jumatatu kuelekea Afrika Kusini kuweka kambi ya maandalizi ya msimu mpya