Simba kwenda Afrika Kusini Jumatatu

Mabingwa wa soka Tanzania Bara Simba wanatarajia kuondoka nchini Jumatatu Julai 15 2019 kuelekea Afrika Kusini kuweka kambi ya maandalizi ya msimu mpya wa ligi kuu ya Tanzania Bara na michuano ya Kimataifa

Kulingana na taarifa iliyotolewa na uongozi wa Simba mapema leo, timu itaingia kambini kesho Jumamosi, Julai 13 Sea Scape Hotel jijini Dar es salaam

Wakiwa kambini wachezaji na benchi la Ufundi watagawiwa vifaa vya mazoezi

Siku ya Jumapili, Julai 14 wachezaji na benchi la ufundi watapatiwa semina maalum kuhusu historia ya Simba, kanuni, miiko, desturi, nidhamu na malengo ya klabu msimu wa 2019/20

Jumatatu timu itaondoka nchini kuelekea Afrika Kusini