Mashabiki Simba wasubiri 'sapraizi' ya mbadala wa Okwi

Jana aliyekuwa mshambuliaji wa Simba Emmanuel Okwi alikamilisha usajili kunako klabu ya Fujairah Fc inayoshiriki ligi kuu falme za Kiarabu

Usajili huo ulihitimisha rasmi mazungumzo ya kuhuisha mkataba wake kunako klabu ya Simba

Mtendaji Mkuu wa Simba Crescentius Magori amesema usajili umeshakamilishwa kwa asilimia 95

Nafasi pekee ambayo wanatarajiwa kuiziba ni ya Okwi

Magori amesema mbadala huyo wa Okwi atakuwa 'sapraizi' kwa mashabiki wa Simba

Licha ya kutoweka wazi jina la mbadala huyo, tetesi zilizopo ni kuwa huenda akawa Walter Bwalya mshambuliaji kutoka Nkana FC

Kwa miezi kadhaa Bwalya amekuwa akihusishwa kusajiliwa na Simba